საქართველოს მე-3 პრეზიდენტი ეხმიანება გლდანში მომხდარ ფაქტს. კერძოდ, ნიკა მელიას განმარტებით, მხარდამჭერებთან შეხვედრისას, “ქართული ოცნების” აქტივისტებმა მათ ქვები დაუშინეს. მიხეილ სააკაშვილი გმობს მომხდარს და აცხადებს, რომ ეს არის განწირული რეჟიმის ფართხალი:
“ვგმობ ნიკა მელიაზე თავდასხმას, რომელიც განხორციელდა გლდანში.
ეს არის განწირული რეჟიმის ფართხალი, რომელსაც დარჩა მხოლოდ ერთი არგუმენტი – ძალადობა და დაშინება.
არავის მათი არ ეშინია და მალე მათ გაეცემათ პასუხი 31 ოქტომბერს და ქართველი ხალხი ნათლად ეტყვის დაშინებით, ძალადობით, ქართველი ხალხის მუხლებზე დაყენება არის შეუძლებელი!
საქართველოში მოხდება ხელისუფლების მშვიდობიანი ცვლა,” – აცხადებს მიხეილ სააკაშვილი.
