„სტრატეგია აღმაშენებლის“ ლიდერი გიორგი ვაშაძე ქუთაისში ერთ-ერთ მნიშვნელოვან პროექტად მიკროსქემებისა და ჩიპების წარმოებას მოიაზრებს და მიაჩნია რომ ქუთაისი სულ მალე IT ქალაქი გახდება, რაც ახალგაზრდა თაობას მისცემს სრულიად სხვა დასაქმების შესაძლებლოებებს:
„ქუთაისი IT ქალაქი უნდა გახდეს. უნდა დაიწყოს მიკრო სქემების და ჩიპების წარმოება, რაც თანამედროვე განვითარებისთვის ძალიან დიდ შესაძლებლობას შექმნის. ჩვენთვის ძალიან ბევრ ცნობილ IT კომპანიებთან ერთად დავიწყებთ წარმოებას, რომელიც ახალგაზრდა თაობას მისცემს სრულიად სხვა დასაქმების შესაძლებლობას.
ქუთაისი IT ქალაქი ნიშნავს იმ თანამედროვე პროდუქტების წარმოებას, რომელიც საბოლოო ჯამში საქართველოს მისცემს შესაძლებლობას რეგიონის ტექნოლოგიური ქვეყანა გახდეს.
Microsoft, IPM, FACEBOOK, Google და ა.შ. მათი რეგიონალური ოფისები უნდა იყოს საქართველოში და მე პირობას გაძლევთ, რომ „სტრატეგია აღმაშენებლის“ გუნდის მხარდაჭერა ნიშნავს, რომ ჩვენ ვიქნებით ტექნოლოგიური განვითარების ავანგარდში. ქუთაისი IT ქალაქის სტატუს დაიმკვიდრებს“ – განაცხადა გიორგი ვაშაძემ.
