,,Hub Georgia”-ს დამფუძნებელმა გიორგი კოდუამ სააგენტო ,,პარალელთან“ ინტერვიუს დროს ისაუბრა საავიაციო სექტორში არსებულ პრობლემებზე. მისი თქმით, ჩვენ გვაქვს განვითარების შანსი და მაქსიმალურად უნდა გამოვიყენოთ. გიორგი კოდუამ, ასევე, ხაზი გაუსვა იმ გარემოებას, რომ იზოლაცია შეგვიყვანს ჩიხში და ალტერნატიულ ვარიანტად განიხილავს მსოფლიოს მაგალითს, რომ ქართველებმაც ვისწავლოთ covid19-თან ერთად ცხოვრება:
,,არა მარტო საქართველოში, არამედ მთელ მსოფლიოში ავიაციის სექტორზე მოხდა ვარდნა. პრობლემები შეექმნა დიდ ავიაკომპანიებს. ვინაიდან ჩვენ არ გვაქვს დიდი ციფრები საავიაციო სფეროში, როგორც ,,air line”-ს. შესაბამისად, ჩვენ ნაკლებად მოგვიწია პრობლემებთან გამკლავება.
ჩვენ გვაქვს განვითარების შანსი რესტარტიზაციის შემთხვევაში, ვინაიდან 21-ე საუკუნეში ახალი მსოფლიო ყალიბდება. ამ დროს უნდა გამოვიყენოთ ეს საშუალება: სამოქალაქო სააგენტო, ნავიგაცია, ის, რაც რეგულირებაზეა დამოკიდებული.
ჩვენ ვიცავთ ყველა სტანდარტებს, ხოლო ახლა საჭიროა ამ რეგულირების გამოყენება. ასევე, საქართველოში პროექტების განხორციელება. ჩვენ გაგვაჩნია უსაფრთხო ცა.
სწორედ ახლა ჩნდება ყველაზე დიდი შანსი, რომ Covid19-ის შემდეგ განვითარდება ყველაფერი. ხოლო ჩვენ მწყობრ რიტმში უნდა ავუბათ ფეხი.
ყველა რეგულაცია, რა თქმა უნდა, ინდივუდუალურია. მე ვისურვებდი ქვეყანაში ყოფილიყო მეტი გახსნა. ქართველი მოქალაქეები ასრულებენ სახელმწიფოს მიერ შემოღებულ რეკომენდაციებს. მოსახლეობა საკმაოდ თვინიერი აღმოჩნდა.
უნდა გაიხსნას მეტი ავიამიმოსვლა იმიტომ, რომ ეკონომიკას წასწევს წინ უპირველეს ყოვლისა.
იზოლაცია ჩვენ მხოლოდ და მხოლოდ ჩიხში შეგვიყვანს. მთავარი არის ის, რომ არ მივეცეთ სრულ თვითიზოლაციას. მსოფლიომ დაიწყო ვირუსთან ერთად თანაცხოვრება და ჩვენ უნდა გამოვნახოთ საშუალება, რომ ვიცხოვროთ შეძლებისდაგვარად COVID19-თან ერთად. პირველ რიგში ყოველივე ეს ტრასპორტისა და რეისების აღდგენაზეა დაკავშირებული“, – განაცხადა გიორგი კოდუამ.
ავტორი
ნინი ხიჯაკაძე
