“ევროპული საქართველოს” მაჟორიტარობის კანდიდატმა ქუთაისში, ოთარ კახიძემ თამარ მეფის 40-ში ოფისი გახსნა. მან დღესვე წინასაარჩევნო პროგრამა წარადგინა და დეცენტრალიზაციის მნიშვნელობაზე ისაუბრა. ოთარ კახიძემ კიდევ ერთხელ ხაზი გაუსვა, თუ რამდენად მნიშვნელოვანია პარლამენტის ქუთაისში სრულად დაბრუნება.
“მეტი სამუშაო ადგილი, მოწესრიგებული ინფრასტრუქტურა, ამ ქალაქში უნდა დუღდეს პოლიტიკური ცხოვრება. ქუთაისი უნდა იყოს საქართველოს პოლიტიკური დედაქალაქი.
დაუყოვნებლივ აღგება “ვიზიარის” ბაზა. ქუთაისში შემოვა დაბალბიუჯეტიანი ფრენების მსოფლიო ლიდერი “რაინეარი”, რაც 1 000 000 ევროპელ ტურისტს და მეტ სამუშაო ადგილს ნიშნავს.
მცირე მეწარმეებს გასაღების ახალი ბაზრები უნდა შევუნახოთ. აეროპორტს უნდა დაემატოს ტერმინალი საწარმოო გადაზიდვებისთვის. ხელისუფლებამ უნდა გაიგონოს ხალხის ხმა და ყველაფერი არ უნდა გავუტაროთ, ერთობაა საჭირო” – განაცხადა ოთარ კახიძემ.
ლიკა დევდარიანი
სააგენტო “პარალელის”
რეგიონალური კორესპონდენტი
