კენჭს ვიყრი გაერთიანებული ოპოზიციიდან “ძალა ერთობაშია” – კახა ოქრიაშვილი

131

,,ქართული ოცნების“ მაჟორიტარმა დეპუტატმა, კახა ოქრიაშვილმა მოულოდნელად მიიღო გადაწყვეტილება საპარლამენტო არჩევნებში, თავისი პარტიით, ოპოზიციის მხრიდან მიეღო მონაწილეობა. გუშინ კი შედგა შეთანხმება გაერთიანებული ოპოზიცია ,,ძალა ერთობაშია“-სა და კახა ოქრიაშვილის პარტია ,,პროგრესი და თავისუფლება“-ს შორის და ახალი გაერთიანების წარდგინებით 31 ოქტომბრის არჩევნებში შეეცდება ოქრიაშვილი მაჟორიტარულ არჩევნებში გამარჯვებას:

,,თუ რომელიმე პარტიასთან გამაჩნდა მოკავშირეობა წარსულში, მე არასდროს არ ვიზიარებდი პასუხისმგებლობას იმ პრობლემებზე, შეზღუდვებსა და დანაშაულზე, რომელიც წარსულში იყო – 2012 წლამდე თუ შემდეგ.

მინდა გითხრათ, რომ ვერ გავიზიარებ პასუხისმგებლობას იმაზე, რაც იყო 2012 წლამდე ბიზნესთან მიმართებაში და მინდა ეს ყველაფერი გამოსწორდეს, ასევე, ვერც იმას გავიზიარებ, რაც იყო “გავრილოვის ღამესთან” დაკავშირებული.

ვაპირებ მაჟორიტარობას. უკვე მაქვს დაწყებული მუშაობა. კენჭს ვიყრი დმანისი, წალკა, ბოლნისი, თეთრიწყაროს ოლქში. წარდგენილი ვარ გაერთიანებული ოპოზიციიდან ,,ძალა ერთობაშია“, – განაცხადა კახა ოქრიაშვილმა.

ავტორი
ნინი ხიჯაკაძე

კომენტარები