“დამსხვრეული ოცნებების” მთავრობამ ყველაფერი გააკეთა იმისთვის,  რომ არჩევნები საერთაშორისო დამკვირველების გარეშე ჩატარებულიყო, თუმცა ეს მათ ვერ უშველით – თეონა აქუბარდია

31 ოქტომბრის არჩევნებისთვის NDI საერთაშორისო სადამკვირვებლო მისიას საქართველოში არ გამოგზავნის, რომლის მიზეზად ორგანიზაცია მსოფლიოში კორონავირუსთან დაკავშირებით არსებულ მდგომარეობას ასახელებს. „სტარტეგია აღამაშენებლის“ სპიკერის, თეონა აქუბარდიას განცხადებით, “დამსხვრეული ოცნებების” მთავრობამ ყველაფერი გააკეთა იმისთვის, რომ 2020 წლის საპარლამენტო არჩევნები საერთაშორისო დამკვირვებლების გარეშე ჩატარებულიყო, თუმცა ეს მათ ვერ უშველით.

თეონა აქუბარდია ეუთოს დემოკრატიული ინსტიტუტებისა და ადამიანის უფლებების ოფისის (ოდირი) საქართველოს საარჩევნო გარემოსთან დაკავშირებით არსებულ დასკვნასაც ეხმაურება და აცხადებს, რომ მთავრობამ ორგანიზაციის შენიშვნები, საარჩევნო კანონმდებლობის ცვლილების პროექტთან დაკავშირებით, არ გაითვალისწინა. შედეგად, ამომრჩევლების მოსყიდვისა და დაშინების ფაქტები კვლავ შეინიშნება. აქუბარდიას განცხადებით, მართალია, საერთაშორისო დამკვირვებლები ვერ ახერხებენ საქართველოში ჩამოსვლას, თუმცა ოპოზიციური პარტიები მზაობას გამოთქვამენ თითოეული მოქალაქის ხმის დასაცავად.

„ეუთო/ოდირის დასკვნა საარჩევნო გარემოსთან დაკავშირებით არ იყო სრულიად გათვალისწინებული საარჩევნო კოდექსში. მიუხედავად საკონსტიტუციო ცვლილებებისა, კვლავ შეინიშნება არასამართლიანი გარემო, რაც უკავშირდება ხელისუფლების მხრიდან ამომრჩევლის დაშინების და მოსყიდვის  ფაქტებს. ამასთან ერთად ნამდვილად დიდი პრობლემაა, რომ ყველა დამკვირვებელი პანდემიიდან გამომდინარე ვერ ახერხებს საქართველოში ჩამოსვლას, თუმცა ოპოზიციური პოლიტიკურ პარტიებს გვაქვს  მზაობა თითოეული მოქალაქის ხმა დავიცვათ,“ – აცხადებს თეონა აქუბარდია.

ინფორმაციას “სტრატეგია აღმაშენებლის” პრესსამსახური ავრცელებს