“პოლიტიკური მიზნებისთვის მღვდელთმსახურების გამოყენება არ უნდა ხდებოდეს” – თეონა აქუბარდია

„სტრატეგია აღმაშენებლის“ სპიკერი, თეონა აქუბარდია პოლიტიკურ პარტიებთან დაკავშირებით, მეუფე იაკობის განცხადებას ეხმაურება და აღნიშნავს, რომ პოლიტიკურ პროცესებში ეკლესია არ უნდა ერეოდეს, რადგან კონსტიტუცია ეკლესიასა და ხელისუფლებას მიჯნავს:

„საქართველო არის სეკულარული სახელმწიფო, ეკლესია თავის ადგილზე დგას და არ ერევა პოლიტიკურ პროცესებში, ამიტომ ნამდვილად ვერ გეტყვით, ვინ იგულისხმა მეუფე იაკობმა ამ განცხადებაში. თუმცა, ერთი რამ ცალსახად მინდა გითხრათ, რომ სახელმწიფოში ეკლესიას საკუთარი როლი და ადგილი აქვს, ეს კონსტიტუციითაა განსაზღვრული და საარჩევნო პროცესში ამ პრინციპის დაცვა აუცილებელია, რადგან პოლიტიკური მიზნებისთვის მღვდელთმსახურების გამოყენება არ უნდა ხდებოდეს,“ – აცხადებს თეონა აქუბარდია.