გიორგი შაქარაშვილის ჯგუფურ მკვლელობაში ერთ-ერთი ბრალდებული მორაგბის, არჩილ გაგნიძის ადვოკატები საქმეში დაზარალებულად ცნობილი ფოტოგრაფის, იაკობ ბრეგვაძის მიმართ გამოძიების დაწყებას ითხოვენ.
როგორც ადვოკატები აცხადებენ, დადასტურდა, რომ იაკობ ბრეგვაძემ ცრუ ჩვენებით გამოძიების სწორად წარმართვას ხელი შეუშალა, რაზეც პასუხი სისხლის სამართლის კოდექსის 370 მუხლით უნდა აგოს, რაც მართლმსაჯულების აღსრულებაში ხელის შეშლის მიზნით, დაზარალებულის მიერ არასწორი ინფორმაციის მიწოდებას გულისხმობს:
„ცალსახად დადასტურდა და მანამდეც დადასტურებული იყო, რომ იაკობ ბრეგვაძის მიერ, ჩვენი აზრით, ჩადენილია სისხლის სამართლის კოდექსის 370 მუხლით გათვალისწინებული დანაშაული, კერძოდ მართლმსაჯულების განხორციელებაში ხელის შეშლის მიზნით, დაზარალებულის მიერ გამოძიებისათვის არასწორი ინფორმაციის მიწოდება.
თუ არსებობს კანონი, რომლის წინაშეც ყველა თანასწორია, ამ კუთხითაც პასუხი უნდა აგოს,“ – განაცხადა ადვოკატმა ვასილ მამულაშვილმა.
ავტორი
ეკა ქაჩლიშვილი
