ექსპერტი და საქართველოს მე-4 პრეზიდენტის მრჩეველი საგარეო საქმეთა საკითხებში, თენგიზ ფხალაძე, სააგენტო „პარალელთან“ საუბრისას, გიორგი ვაშაძის პრემიერობის კანდიდატურას აფასებს და აღნიშნავს, რომ გიორგი ვაშაძე ის პოლიტიკოსია, რომლის სახელიც მხოლოდ რეფორმებთან ასოცირდება და სერიოზული პოტენციალი აქვს:
„პრემიერობაზე ლაპარაკი ადრეა, რადგან წინ არჩევნებია, მაგრამ გიორგი ვაშაძეს უდაოდ აქვს სერიოზული პოტენციალი, რადგან მას აქვს გამოცდილებაც, უნარიც და ენერგიაც.
ვფიქრობ, რომ გიორგი ვაშაძე, ერთ-ერთი საინტერესო კანდიდატურაა, რომელზეც, თუ ოპოზიციაში შეჯერება მოხდა, ეს თავად ოპოზიციას წაადგება. ძალიან ცოტაა ოპოზიციაში პოლიტიკური სახე, რომლის მიმართაც ამომრჩეველი ნეგატიურად განწყობილი არ არის.
გიორგი ვაშაძე ერთ-ერთია, რომლის სახელიც ნეგატივთან არ ასოცირდება. მისი სახელი უკავშირდება რეფორმებს. ის არის ძალიან ენერგიული, ამიტომ მე ვფიქრობ, რომ თუ ოპოზიცია ასეთ სახეს სწორად გამოიყენებს, ეს უპირველესყოვლისა მისთვისვე იქნება ძალიან კარგი.
ის რომ, ეს არის პოლიტიკოსი, რომელსაც ძალიან სერიოზული უნარები და მზარდი რეიტინგი აქვს, ფაქტია,“ – აღნიშნა თენგიზ ფხალაძემ.
ავტორი
ეკა ქაჩლიშვილი
