განმარტებები გარდაცვლილის მდგომარეობის შესახებ ინფექციური საავადმყოფოს დირექტორმა, მარინა ეზუგბაიამ გააკეთა:
„დაგვემატა მე-19 გარდაცვლილი. ამ პაციენტის შესახებ ინფორმაცია შემდეგნაირია: პაციენტს აღენიშნებოდა მენჯ-ბარძაყის მოტეხილობა. იყო ჭარბწონიანი, ამ პრობლემების გამო, ფსიქო-ემოციურად ძალიან დატვირთული იყო.
პაციენტი მკურნალობდა ბინაზე, მას უვლიდა მისი და, აგრეთვე კოვიდინფიცირებული. ისინი ჩვენი მეთვალყურეობის ქვეშ იყვნენ. უშუალოდ მე მქონდა კომუნიკაცია პაციენტის დასთან და დღის განმავლობაში რამდენჯერმე ვსაუბრობდით.
დაავადება ორივესთან მსუბუქად, თითქმის უსიმპტომოდ მიმდინარეობდა, მაგრამ განვითარდა ცხიმოვანი ემბოლია, როგორც ასეთ მოტეხილობებს ახასითებს და გარდაიცვალა ამ მიზეზის გამო გარდაიცვალა. გარდაცვლილის დაინფიცირების წყარო უკავშირდება ლენჯერს,“ – აცხადებს მარინა ეზუგბაია
აღნიშნულთან დაკავშირებით, კალთბურთელმა, ვიქტორ სანიკიძემ კომენტარი ambebi.ge-სთან გააკეთა: “დედას ჯანმრთელობის პრობლემები ჰქონდა, რაც კოვიდინფექციამ დაამძიმა,” – აღნიშნა სპორტსმენმა.
ავტორი
ეკა ქაჩლიშვილი
