საქართველოში ბოლო 24 საათში კორონავირუსით ინფიცირების 15 ახალი შემთხვევა გამოვლინდა და ჯამში დადასტურებული შემთხვევების რაოდენობამ 1385-ს მიაღწია.
გაზრდილია გამოჯანმრთელებულთა რაოდენობაც. გასული დღე-ღამის განმავლობაში ვირუსი კვლავ 20-მა პაციენტმა დაამარცხა და გამოჯანმრთელებულთა რაოდენობა 1128-მდე გაიზარდა.
ბოლო 15 შემთხვევის შესახებ დღეს თბილისის ინფექციური საავადმყოფოს სამედიცინო დირექტორმა, მარინა ეზუგბაიამ ისაუბრა:
“გუშინდელი მონაცემებით ქვეყანაში იყო 1370 დადასტურებული შემთხვევა, დაგვემატა 15 და დღევანდელი მონაცემებით 1385 დადასტურებული შემთხვევა გვაქვს. 15 პაციენტი ასეთი განაწილებით არის, 4-ის ინფიცირების წყარო ლენჯერია, 6-ის არის დადასტურებულ შემთხვევასთან კონტაქტი, 3 იმპორტირებულია, ორის ინფიცირების პირველ წყაროს და კონტაქტების დადგენა კი ამ დრომდე მიმდინარეობს,” განაცხადა მარინა ეზუგბაიამ.
ავტორი
მახო ზავრაშვილი
