ქვეყანაში 4 საყურადღებო წერტილია – ამირან გამყრელიძე

60

დაავადებათა კონტროლის ეროვნული ცენტრის ხელმძღვანელმა ამირან გამყრელიძემ საკოორდინაციო საბჭოს სხდომის დასრულების შემდეგ აღნიშნა, რომ ამ დროისთვის საქართველოში ეპიდემიოლოგიური კუთხით, რჩება ოთხი საყურადღებო წერტილი.

ამ ეტაპზე ქვეყანაში საყურადღებოდ რჩება ოთხი წერტილი. პირველი – მესტია, სადაც სერიოზული სამუშაოები ტარდება, მესტიის მუნიციპალიტეტში ჩატარებულია გაფართოებული 3009 ტესტირება და ჯამში ამ კლასტერიდან დადასტურებულია 49 ინფიცირების შემთხვევა, საიდანაც 29 დადასტურდა სვანეთში, 20 სხვადასხვა მხარეს, კონტაქტები.

მეორე – ყაზბეგი, სადაც სულ 14 დადასტურებული შემთხვევა გვაქვს. 4 ადამიანი წარმოადგენს სასაზღვრო-გამშვებ პუნქტს დანარჩენი მათ კონტაქტებს.

მესამე – ქობულეთი და კაფე “ჰავანა”, საიდანაც ინფიცირებულია 5 ადამიანი.

მეოთხე -გარდაბანი, ყალაჯარალა, რომელიც გარკვეულწილად საყურადღებო წერტილად რჩება და სიტუაციას ართულებს ის ფაქტი, რომ მოსახლეობის მხრიდან დამყოლობა არ არის. რეგიონი ახლოს არის თბილისთან და ვაკეთებთ ყველაფერს, იმისთვის, რომ თავიდან იქნეს აცილებული ვირუსის თბილისში გავრცელება.

მნიშვნელოვანია, რომ დავიცვათ და გავითვალისწინოთ რეგულაციები, მითუმეტეს იმ ფონზე, როცა გაზრდილია ტურისტული სეზონი. ჩვენ უნდა შევძლოთ და ავირიდოთ თავიდან ვირუსის გავრცელება“, – განაცხადა ამირან გამყრელიძემ.

ასევე, საქართველოს მთავრობის მიერ გავცელებულ განცხადებაში ნათქვამია, რომ დაავადებათა კონტროლის ეროვნული ცენტრის მონაცემებით, 10 ადამიანის ინფიცირების წყარო უცნობია, შესაბამისად, უწყებათაშორისი საკოორდინაციო საბჭო მოქალაქეებს მოუწოდებს, გამოიჩინონ მაქსიმალური სიფრთხილე, ატარონ პირბადე და დაიცვან სოციალური დისტანცია.

ავტორი
მახო ზავრაშვილი

კომენტარები