დაავადებათა კონტროლის ეროვნული ცენტრის ხელმძღვანელი, ამირან გამყრელიძე რუსული ვაქცინის შექმნასთან დაკავშირებით გავრცელებულ ინფორმაციას გამოეხმაურა და განაცხადა, რომ ამ ვაქცინას საერთაშორისო სამეცნიერო წრე სკეპტიკურად უყურებს, რადგან ვაქცინის პირველი და მეორე ფაზის კვლევები გასაჯაროებული არ არის, ხოლო ყველაზე მნიშვნელოვანი, მესამე ფაზის კვლევა – არ გაუვლია:
„რუსულ ვაქცინასთან დაკავშირებით, ჩვენთანაც ის ინფორმაციაა, რაც მასობრივი ინფორმაციის წყაროებში.
რუსულ ვაქცინას, როგორც ვიცით, ჯერ დიდი, ფართომასშტაბიანი, მესამე ფაზის კვლევები არ გაუვლია, ან თუ გაუვლია, მისი შედეგები არ არის გამოქვეყნებული, ამიტომ ცოტა სკეპტიკურად უყურებენ, თუმცა რუსეთმა ის გამოყენებისთვის დაამტკიცა.
რუსულ ვაქცინასთან დაკავშირებით, საერთაშორისო სამეცნიერო პრესაში გარკვეული სკეპტიციზმია და მოგეხსენებათ, რომ კვლევების შედეგები არ არის გასაჯაროებული, არც პირველი და მეორე ფაზის, არც განსაკუთრებით, მესამე ფაზის,“ – აცხადებს ამირან გამყრელიძე.
ავტორი
ეკა ქაჩლიშვილი
