31 ოქტომბრის არჩევნები იქნება ის გამოკითხვა, როდესაც ჩვენი მოქალაქეები ხმის მიცემის გზით დაასრულებენ “დამსხვრეული ოცნებების” პარტიის მმართველობას – სტრატეგია აღმაშენებელი

71

პარტია “სტრატეგია აღმაშენებელი” IRI-ის კვლევებთან დაკავშირებით განცხადებას ავრცელებს, სადაც ნათქვამია, რომ გამოკითხვის შედეგები, რომელიც საერთაშორისო რესპუბლიკურმა ინსტიტუტმა (IRI) წარადგინა არარელევანტურია, რადგან კვლევიდან უკვე 2 თვეა გასული:

გამოკითხვის შედეგები, რომელიც დღეს საერთაშორისო რესპუბლიკურმა ინსტიტუტმა (IRI) წარადგინა სრულიად არარელევანტურია დღეს, რადგან კვლევიდან, რომელიც 4 ივნისი – 2 ივლისის პერიოდში ჩატარდა, 2 თვეა გასული.

ნუთუ ამერიკის შეერთებული შტატების ნოემბრის საპრეზიდენტო არჩევნებისათვის ივნისში ჩატარებულ გამოკითხვას სერიოზულად მიიღებდა IRI ან მედია ეს რომ ამერიკის შეერთებულ შტატებში მომხდარიყო?

ერთადერთი გამოკითხვა რომლითაც დაინტერესებული ვართ 31 ოქტომბრის არჩევნებია. ეს იქნება ის გამოკითხვა, როდესაც ჩვენი მოქალაქეები ხმის მიცემის გზით დაასრულებენ “დამსხვრეული ოცნებების” პარტიის მმართველობას, დაამარცხებენ სიღარიბეს და დაიწყებენ ჩვენი ქვეყნის აღმშენებლობას“, – პარტია “სტრატეგია აღმაშენებელი”.

განცხადებას პარტიის პრესსამსახური ავრცელებს

კომენტარები