თამარ ბაჩალიაშვილის ბურუსით მოცულ გარდაცვალების საქმესთან დაკავშირებით შინაგან საქმეთა მინისტრმა ვახტანგ გომელაურმა განცხადება გააკეთა. მისი თქმით, საქმეში FBI საჭიროების შემთხვევაში ჩაერთვება. მინისტრმა აღნიშნა, რომ გამოძიება სავარაუდოდ მალე დასრულდება:
“ბაჩალიაშვილის საქმეზე მე ღიად ვერ ვისაუბრებ, გამოძიება მიდის და ვფიქრობ, მალე დასრულდება. თუ საჭიროება იქნება FBI ჩაერთვება, სავარაუდოდ ექსპერტიზის მიმართულებით, თუ დაგვჭირდება, თუმცა ჯერჯერობით გამომძიებლები მუშაობენ“, – განაცხადა შსს-ს მინისტრმა ვახტანგ გომელაურმა.
შეგახსენებთ, რომ თამარ ბაჩალიაშვილი 18 ივლისს გაუჩინარდა. იგი სათვალთვალო კამერებმა ბოლოს თეთრიწყაროს რაიონში დააფიქსირეს. თამარი ხუთი დღის შემდეგ თეთრიწყაროს ტყესთან გარდაცვლილი იპოვეს.
პროგრამისტის საქმეზე გამოძიება თავისუფლების უკანონო აღკვეთისა და თვითმკვლელობამდე მიყვანის მუხლით მიმდინარეობს.
ავტორი
თამუნა მახარაშვილი
