ადვოკატი ირაკლი ზაქარეიშვილი საკუთარ „ფეისბუქის“ გვერდზე თამარ ბაჩალიაშვილის საქმის თაობაზე სკანდალურ განცხადებას ავრცელებს და მომხდარში გარდაცვლილის ოჯახს ადანაშაულებს. ადვოკატის თქმით, გოგონა ოჯახში ზეწოლის მსხვერპლი იყო, ხოლო ჯუმბერ ბაჩალიაშვილის მიმართ, შემაკავებელი ორდერი ორჯერაა გამოწერილი:
„ხელისუფლებავ – რა დაგემართათ თქვე კაი ხალხო, რამ დაგაბეჩავათ ისე, რომ ყველა მხრიდან გიბაგუნებენ და ხმა ვეღარ ამოგიღიათ?!..
თამარ ბაჩალიაშვილის მამის, ჯუმბერ ბაჩალიაშვილის მიმართ სისხლის სამართლის კოდექსის 120-ე (სხეულის მსუბუქი დაზიანება) და 126-ე 1 პრიმა მუხლით (ოჯახში ძალადობა) სხვადასხვა დროს გამოძიებები რომ არის დაწყებული და ოჯახში “სტოლსაფრის” ქვეშ შემაკავებელი ორდერი რომ უდევს – რატომ არ ეუბნებით ხალხს ამის შესახებ?!
საწყალ გოგოს 7000 ₾არი რომ ჰქონდა ხელფასი და მშობლები გამუდმებით “აკაჩავებდნენ” – რატომ არ გინდათ საზოგადოებას გააგებინოთ?!
რატომ არ აქვეყნებთ იმ წერილს, რომელიც გარდაცვლილს უპოვეს და რომელშიც მშობლებს წერს, რომ ფული მაქვს, მიდით და გამოიტანეთო?! დაასკანერეთ და დადეთ წერილი, რატომ არ აკეთებთ ამას?!
რომ გაიძახიან – “მეზობლების დაკითხვა არაფრის მომცემიაო” – გამოჰკითხეთ მეზობლები და კარგად მოუსმინრეთ რეებსაც მოგიყვებიან!..
რამ შეგაშინათ, რამ დაგასაწყლათ ისე, რომ სიმართლის თქმასაც ვეღარ ახერხებთ?! მაინცდამაინც მე უნდა ვთქვა ყველაფერი?!
თამარ ბაჩალიაშვილის ტრაგედიის კერა ოჯახში ეძებეთ, ძალიან კი ცდილობენ ნაცების დახმარებით ისრების გადატანას და კვალის დაფარვას!..
გარდაცვლილის ფეისბუქიც ოჯახმა და ნაცებმა გააქრეს!..
ეს ქალბატონი დედა რომ ბრძანებს ექიმი ვარო – “ფიცი მწამს, მეტყველება მაკვირვებს” – ერთი აკადემიური ტექსტი არ მომისმენია მისგან!.. ნუთუ დედაქალაქში მიღებული უმაღლესი სამედიცინო განათლება არ იძლევა ამის საშუალებას?!“, – წერს ირაკლი ზაქარეიშვილი.
ავტორი
ეკა ქაჩლიშვილი
