თბილისის მერმა, კახა კალაძემ დედაქალაქის მთავრობის სხდომა დღეს ჭავჭავაძის გამზირზე მუდმივად მოსირაულე მძღოლებისთვის ბოდიშის მოხდით დაიწყო. კახა კალაძის თქმით, გამზირზე სატრანპორტო მოძრაობის ამგვარად მოწყობა მისი პირადი ახირება არ არის, არამედ უცხოელი ექსპერტების რეკომენდაციაა და იგი დარწმუნებულია, რომ მომავალში ახალი სქემა გამართლებული იქნება:
“მინდა ბოდიში მოვუხადო ყველა იმ ადამიანს, ყველა იმ ავტომობილის მძღოლს, ვინც კონკრეტულ ამ დღეს გადაადგილდებოდა ჭავჭავაძის გამზირზე და მის მიმდებარე ქუჩებზე და მას მოუწია გარკვეული დროით საცობში დგომა. ადამიანურად, ნამდვილად მესმის თქვენი, მეც ჩვეულებრივი რიგითი მოქალაქე ვარ, მეც ჩვეულებრივ ვმართავ ავტომობილს და გადავაადგილდები ყოველდღიურად ქალაქში და რა თქმა უნდა, თქვენ ადგილზე, მეც იგივე განწყობა და დამოკიდებულება მექნებოდა და აბსოლუტურად მესმის თითოეული თქვენგანის.
ვინმემ არ მინდა იფიქროს, რომ ეს არის რაღაც ჩემი ახირება ან ხუშტური, სრული პასუხისმგებლობით ვამბობ, რომ ბევრ ქალაქში ვარ ნამყოფი, ევროპის ერთ-ერთ საუკეთესო ქალაქში 10 წლის განმავლობაში ვცხოვრობდი და მაქვს ამბიცია და რა თქმა უნდა, მინდა, რომ ყველაფერი საუკეთესო, რაც განვითარებულ, ევროპულ ქალაქებშია გაკეთებული, ჩემს ქალაქშიც ანალოგიური პროექტები იქნას განხორციელებული,” – განაცხადა დედაქალაქის მერმა.
ავტორი
მახო ზავრაშვილი
