ექსპერტმა სამხედრო-პოლიტიკურ საკითხებში, ამირან სალუქვაძემ ,,მთავარი News“-ის მიერ გავრცელებული ინფორმაცია, რომელიც აზერბაიჯანის წინააღმდეგ ბრძოლაში საქართველოს ხელისუფლების სომხეთთან მოკავშირეობას მიუთითებდა, მწვავედ გააკრიტიკა და აღნიშნა, რომ ძალაუფლების მოსაპოვებლად ქვეყნის კონფლიქტში ჩათრევა ზღვარგადასული ქმედებაა:
,,ძალაუფლების გამო ასეთ რამეზე არ უნდა წახვიდეთ. მზად ხართ ქვეყანა კონფლიქტში ჩაითრიოთ, მაგრამ არ გამოგივათ. უკვე ყველა ზღვარს გადადიხართ.
მოკლედ:
1. ესაა სახელმწიფოს წინააღმდეგ მიმართული დეზინფორმაცია;
2. კარგად დაგეგმილ პროვოკაციას ჰგავს.
სადღაც 4 ჟანგიანი კამაზი, რატომღაც ღიად, დგას და ეს “ინფორმაცია” მყისიერად მიეწოდება აზერბაიჯანულ სკანდალურ სააგენტოს. ასევე მყისიერად ქართული ტელევიზიები აკეთებენ სიუჟეტებს. შემდეგ აჩვენებენ სერბეთში გადაღებულ ფოტოებს. ცუდად დადგმულია. ამას წინათ დავწერე რამდენი კილომეტრია 300 კამაზი. მატარებლით კი, დაახლოებით, 5 ეშელონია საჭირო.
3. ეს სააგენტო და ტვ ალბათ არ არიან ძველი ამბების საქმის კურსში. ჰოდა, ნუ ,,გამოქექავთ”, თორემ ისეთებზე აქვს ხელი მოწერილი, ზოგიერთს, ამავე ოპერიდან, იგივე ხელი, ვინმემ, მოკავშირეობას კი არა, აგენტობას არ გამოჰკრას. ვიცი რასაც ვწერ…“, – წერს ამირან სალუქვაძე სოციალურ ქსელ ,,ფეისბუქის“ პირად გვერდზე და შესაბამის ფოტოსაც ავრცელებს:
ავტორი
ქეთა გაბრიაძე
