გაურკვეველ გარემოებებში გარდაცვლილი თამარ ბაჩალიაშვილის დედა პრეტენზიას გამოთქვამს გამოძიების მიმდინარეობასთან დაკავშირებით. თეონა თამაზაშვილი ეჭვობს, მისი გარდაცვლილი შვილისთვის რაღაცების მიწებება და მიტყეპება უნდათ და შემდეგ საქმის დახურვა:
“როგორც კი ძებნა შეაფერხეს, გამოძიებაც ტაატით მიჰყავთ, არავინ არ მიკავშირდება, არავინ არ მაყენებს საქმის კურსში. რა ვერსიაზეა ლაპარაკი?! საერთოდ, რა ვერსიით მიჰყავთ. ვეჭვობ, რომ რაღაცების მიწებება და მიტყეპება უნდათ და ეგრე უბრალოდ დახურვა.
ამ წუთას არ შემიძლია, მაგრამ არ დავისვენებ ჩემს უკანასკნელ ამოსუნთქვამდე, სტრასბურგშიც გავასაჩივრებ, ჰააგაშიც და სადაც კი რამე მოიძიება, ყველგან,” – აცხადებს თეონა თამაზაშვილი.
