ქუთაისის ინფექციურ საავადმყოფოში მოთავსებულ 61 წლის ქალს კორონავირუსი დაუდასტურდა.
როგორც კლინიკაში აცხადებენ, პაციენტი ქუთაისში ერთ-ერთ ბაზრობაზე მუშაობდა. კლინიკის მთავარი ექიმის თქმით, პაციენტი ირწმუნება, რომ ის ტემპერატურის დაფიქსირების შემდეგ სახლში იმყოფებოდა, თუმცა ეპიდემიოლოგები პაციენტის კონტაქტებს მაინც იკვლევენ.
“ბოლო 3-4 დღეა, პაციენტს ტემპერატურა და ყელის ტკივილი აქვს. ამ დროისათვის განვითარებულია მარჯვნივი პნევმონია და შეიძლება საშუალო სიმძიმის პაციენტად ჩავთვალოთ. პაციენტი კლინიკაში თვითდინებით შემოვიდა. სავარაუდოდ, კონტაქტებიც არის და ეპიდემიოლოგები მუშაობენ,”- განაცხადა თიემურაზ ნადირაძემ.
დაავადებათა კონტროლის ეროვნული ცენტრის იმერეთის ორგანიზაციის ხელძღვანელის თქმით, ამ დროისთვის 25 კონტაქტია დაფიქსირებული. გოჩა გიორგიძის განმარტებით, ინფიცირებულს ოჯახის 7 წევრი ჰყავს, რომლებიც, შესაძლოა, კარანტინში მოათავსონ. მათ შორის ერთი ასაკოვანია.
ლიკა დევდარიანი
სააგენტო “პარალელის”
რეგიონალური კორესპონდენტი
