სამართალდამცავი სისტემის პასუხისმგევლობას უსვამს ხაზს მთავრობის მეთაური, გიორგი შაქარაშვილის გარდაცვალების საქმესთან დაკავშირებით მიმდინარე საგამოძიებო პროცესის შეფასებისას. ამასთან, გიორგი გახარია აღნიშნულ საკითხთან დაკავშირებით მედიის ჩართულობაზეც საუბრობს და აცხადებს, რომ მედიას ავრცელებს მხოლოდ ვერსიებს:
“ეს არის უაღრესად დიდი ტრაგედია. ეს არ არის ცალკე აღებული კონკრეტული ოჯახის ტრაგედია, ეს ქვეყნის ტრაგედიაა. რა თქმა უნდა სამართალდამცავ სისტემას აქვს სრული პასუხისმგებლობა, რომ უმოკლეს ვადაში იყოს გამოძიებული გიორგი შაქარაშვილის გარდაცვალების საქმე და შეკითხვები არ დარჩეს პირველ რიგში ოჯახს და საზოგადოებას.
ეს არის სამართალდამცავი სისტემის პასუხისმგებლობა და მერწმუნეთ ამ სისტემას სრულად აქვს ეს გააზრებული. ჩვენ არ უნდა დავტოვოთ არანაირი სივრცე საკითხის პოლიტიზირებისთვის.
მედია რაღაცას თუ უსწრებს წინ, ეს ძალიან ცუდია, რადგანაც მედია ავრცელებს ვერსიებს, რისი უფლებაც მას აქვს, მაგრამ მნიშვნელოვანია, რომ გავუფრთხილდეთ პირველ რიგში ოჯახის და საზოგადოების მორალურ მდგომარეობას,” – აცხადებს გიორგი გახარია