“ნაციონალური მოძრაობის” თავმჯდომარე, გრიგოლ ვაშაძე აღნიშნავს, რომ ჭორები გაერთიანებული ოპოზიციის დაშლის შესახებ, სიმართლეს არ შეესაბამება. უფრო მეტიც, გრიგოლ ვაშაძე ამტკიცებს, რომ გაერთიანებული ოპოზიცია მალე გაფართოვდება და არჩევნებშიც კარგ შედეგს აჩვენებს:
“მე ვიცი ის ჭორები, რომლებიც ცირკულირებს პრესაში და პოლიტიკასთან ახლო წრეებში, თითქოს ხან მე მივდივარ თავმჯდომარის პოსტიდან, ხან გაერთიანებული ოპოზიცია იშლება, ხან კვლევების მიხედვით,”ნაციონალურ მოძრაობასა” და მის მოკავშირეებს არჩევნებზე არავითარი შანსები არ აქვთ.
პირველი – მე არსად არ მივდივარ.
მეორე – არ იშლება გაერთიანებული ოპოზიცია და პირიქით, ძალიან მალე მას ახალი სუბიექტები შემოემატებიან.
მესამე – ისეთი შედეგი, როგორიც გაერთიანებულ ოპოზიციას 2020 წელს ექნება, დიდი ხანია არ უჩვენებია,” – აცხადებს გრიგოლ ვაშაძე.
ავტორი
ეკა ქაჩლიშვილი