სომხეთსა და აზერბაიჯანს შორის საომარი მოქმედებები კვლავ განახლდა

135

სომეხ და აზერბაიჯანელ სამხედროებს შორის კონფლიქტი გვიან ღამით კვლავ გაგრძელდა. აზერბაიჯანული მედია ავრცელებს ინფორმაციას, რომ სომხური მხარე დანაკარგის შესახებ ოფიციალურ ინფორმაციას მალავს, თუმცა ცნობილია აზერბაიჯანული მხარის დანაკარგი. გვიან ღამით ამის შესახებ ინფორმაცია ოფიციალურად დაადასტურა აზერბაიჯანის თავდაცვის სამინისტრომ. მათივე თქმით, ბრძოლის დროს დაიღუპა აზერბაიჯანის არმიის გენერალ-ლეიტენანტი მაჰმუდოვ რაშად რაშიდი.

აზერბაიჯანის თავდაცვის სამინისტროს ინფორმაციით, სომხეთის შეიარაღებულმა ძალებმა თოუზის რაიონის მიმართულებით, სოფელ აღდამთან ნაღმტყორცნების გამოყენებით ცეცხლი გახსნეს, თუმცა ამ ინფორმაციას სომხეთის თავდაცვის სამინისტრო არ ადასტურებს და კატეგორიულად უარყოფს.

მეზობელ სახელწიფოებს შორის კონფლიქტს გამოეხმაურა თურქეთიც. აღსანიშნავია, რომ ოფიციალური ანკარა შეიარაღებულ კოფლიქტში სომხეთს ადანაშაულებს.

შეგახსენებთ, რომ სომხეთ-აზერბაიჯანის საზღვარზე შეიარაღებული დაპირისპირება გუშინ დაიწყო. შეტაკებების მეორე ეტაპზე ცნობილია, რომ აზერბაიჯანს 3 გარდაცვლილი სამხედრო მოსამსახურე ჰყავს.

სომხეთი კი დანაკარგის შესახებ ინფორმაციას არ ადასტურებს და ამბობს, რომ დანაკარგი არ აქვთ, რასაც ეწინააღმდეგება აზერბაიჯანი და მეზობელ ქვეყანას ტყუილში ადანაშაულებს.

ავტორი
მახო ზავრაშვილი

კომენტარები