ფრაქცია ,,ნაციონალური მოძრაობის” თავმჯდომარე, რომან გოცირიძე საქართველოს მიერ მხოლოდ 5 ქვეყნისთვის საზღვრების გახსნას ,,ფეისბუქის” საკუთარ გვერდზე ნეგატიურად ეხმაურება. მისი თქმით ,,ქართული ოცნების” გადაწყვეტილება არასწორია და საზღვარი ,,ვინც გამხსნა იმას ვუხსნის” პრინციპს ემსახურება:
რომან გოცირიძის განცხადებას უცვლელად გთავაზობთ:
,,საზღვრების გახსნა, ტესტირების გარეშე შეიცავს სერიოზულ საფრთხეს. გაუგებარია, რატომ უხსნი საზღვარს უპირობოდ მაგალითად, საფრანგეთს, სადაც პანდემია ბობოქრობდა და არ უხსნი მონტენეგროს? ”ვინც გამიხსნა იმას ვუხსნი” უაზრო პრინციპია. ამოსავალი პრინციპი უნდა იყოს საკუთარი მოსახლეობის ჯანმრთელობისა და უსაფრთხოების დაცვა.
ყველამ, ვინც შემოვა, მიუხედავათ იმისა, თუ რომელი ქვეყნიდან, უნდა წარმოადგინოს გამოფრენამდე 1-3 დღით ადრე გაკეთებული ანალიზი. საზღვარზე სიცხიანს კი აქ უნდა გაუკეთდეს დამატებითი გამოკვლევა.
მთავრობის დღევანდელი გადაწყვეტილება არის არასწორი,” – აცხადებს რომან გოცირიძე.
შეგახსენებთ, რომ უწყებათაშორისი საკოორდინაციო საბჭოს გადაწყვეტილებით საქართველომ საზღვარი 5 ქვეყანას გაუხსნა: გერმანია, საფრანგეთი, ლატვია, ლიეტუვა, ესტონეთი.
საზღვრებს საქართველოსთვის არ ხსნიან შემდეგი ქვეყნები: ავსტრია, ბელგია, ბულგარეთი, დანია, ნორვეგია, მალტა, ფინეთი, შვეიცარია, ჩეხეთი, სლოვაკეთი, უნგრეთი.
ავტორი
ქეთა გაბრიაძე
