პოლიტიკური პლატფორმა „ახალი საქართველოს“ ლიდერი გიორგი ვაშაძე და „სტრატეგია აღმაშენებლის“ გუნდი რაჭაში იმყოფება. მმართველი პარტიის ოპონენტი აცხადებს, რომ რაჭას და ზოგადად საქართველოს განვითარების დიდი პოტენციალი აქვს. ოპოზიციონერი ლიდერი მოსახლეობასაც შეხვდა და მათ „სტრატეგია აღმაშენებლის“ გუნდის მიერ შემუშავებულ ინიციატივები გააცნო:
„ვიმყოფები ამბროლაურში ‘’სტრატეგია აღმაშენებლის’’ გუნდთან ერთად, რაჭას აქვს საოცარი პოტენციალი, რომელიც სამწუხაროდ გამოუყენებელია, ‘’სტრატეგია აღმაშენებლის“ გუნდს გვაქვს კონკრეტული ინიციატივები, რომ რაჭა ყველაზე მწვანე ზონა უნდა გახდეს ტურისტების მისაღებად.
ასევე სოფლის მეურნეობის მიმართულება, მეღვინეობა კიდევ უფრო მეტად უნდა განვითარდეს. 2 დღის განმავლობაში შევხვდებით მოსახლეობას და ვისაუბრებთ აქ არსებულ პრობლემებზე და მათი გადაჭრის გზებზე, მთავარია რომ საქართველოს აქვს საოცარი პოტენციალი და ეს პოტენციალი გამოვიყენოთ.
საქართველოს სჭირდება აღმშენებლობის პროცესი და მე პირობას გაძლევთ, რომ საქართველო იქნება გლობალურ ლიდერთა შორის და ერთ-ერთი წარმატებული ქვეყანა,’’ – განაცხადა გიორგი ვაშაძემ.
ავტორი
თამთა ასლანიშვილი
