‘’ახალი საქართველოს’’ თავმჯდომარის გიორგი ვაშაძის თქმით, ონის მუნიციპალიტეტში ჰესების აშენება ყოვლად დაუშვებელია, რადგან პროექტი ითვალისწინებს 19-ზე მეტი ისტორიული ძეგლის წყლით დაფარვასა და განადგურებას, ასევე დროთა განმავლობაში ეკოლოგიურ კატასტროფებს გამოიწვევს. ოპოზიციონერი ლიდერი აღნიშნავს, რომ სერიოზული კორუფციული გარიგება იკვეთება, რადგან გამომუშავებული ელექტროენერგია სახელმწიფომ, საკმაოდ მაღალი ფასით, გარანტირებულად უნდა შეისყიდოს, რაც ენერგოდამოუკიდებლობას ნამდვილად არ ემსახურება:
“ამ წუთებში ვიმყოფები ონის მუნიციპალიტეტში. რიონის ხეობაში ჰიდროელექტრო სადგურების აშენება ყოვლად დაუშვებელია. ჩვენ კატეგორიულად ვეწინააღმდეგებით აღნიშნულ პროექტებს და ყველაფერს გავაკეთებთ იმისათვის, რომ ონისა და ნამახვანის ჰესები არ აშენდეს, რადგან ნამახვანის ჰესი წაგვართმევს ტვიშს, ხოლო ონის ჰესი წაგვართმევს ხვანჭკარას. ამასთან, პროექტი ითვალისწინებს 19-ზე მეტი ისტორიული ძეგლის წყლით დაფარვასა და განადგურებას. ასევე დროთა განმავლობაში გამოიწვევს ეკოლოგიურ კატასტროფებს. ამასთან იკვეთება სერიოზული კორუფციული გარიგებაც და გამომუშავებული ელექტროენერგია საკმაოდ მაღალი ფასით გარანტირებულად უნდა შეისყიდოს სახელმწიფომ, რაც ენერგო დამოუკიდებლობას ნამდვილად არ ემსახურება” – აცხადებს გიორგი ვაშაძე.
ავტორი
თამთა ასლანიშვილი
