”ფეიქ ნიუსი” არის ძალიან დიდი ბოროტება და მისი გამოყენება პოლიტიკურ იარაღად, განსაკუთრებით არჩევნების წინ, კატასტროფულ მასშტაბებს აღწევს – კახა კალაძე

43

თბილის მერმა, კახი კალაძემ სოციალურ ქსელ ფეისბუქზე ვიდეომიმართვის საშუალებით ე.წ. ”ფეიქ ნიუსებზე” ისაუბრა. მისი თქმით მედიის მიერ სიცრუის ტირაჟირებამ კატასტროფულ მასშტაბებს მიაღწია და აპირებს დაიცვას მისი და საზოგადოების სიმართლე. დედაქალაქის მერი, დეზინფორმაციასთან ბრძოლას, მისი სოციალური ქსელიდან ლაივ ჩართვების საშუალებით აპირებს:

დეზინფორმაცია არის პოლიტიკური თუ ეკონომიკური ბრძოლის ერთ-ერთი მთავარი იარაღი. მეგა სახელმწიფოებმა ღიად გამოაცხადეს ამ პრობლემის შესახებ და უმაღლეს დონეზე ხდება ამ მიმართულებით რესურსების მობილიზება. ყველა ძალიან კარგად ხედავს, თუ როგორი დამანგრეველი ძალა აქვს დეზინფორმაციას, რა საფრთხის შემცველია საზოგადოების მოტყუება და ზოგადად სიცრუის ტირაჟირება. ”ფეიქ ნიუსი” არის ძალიან დიდი ბოროტება და მისი გამოყენება პოლიტიკურ იარაღად, განსაკუთრებით არჩევნების წინ, კატასტროფულ მასშტაბებს აღწევს,” – განაცხადა დედაქალაქის მერმა.

მერმა თავის სოციალურ გვერდზე ბანერი გამოაქვეყნა, რომელზეც სამი ტელეკომპანიის ლოგოა გამოსახული – მთავარი არხის, TV პირველის და ტელეკომპანია ფორმულას. კახა კალაძის განმარტებით, ეს კამპანია არ არის რომელიმე კონკრეტული ტელეკომპანიის წინააღმდეგ მიმართული, თუმცა ნამდვილად ეწინააღმდეგება, ტყუილ ინფორმაციას.

ჩვენ გადავწყვიტეთ ვიბრძოლოთ, დავიცვათ ჩვენი სიმართლე. ჩვენ არ დაგვიწყია ეს კონფრონტაცია, უბრალოდ ვებრძვით მედიის გამოყენებას ტყუილის პროპაგანდისტად.

ჩვენ ამ პროექტით ვიცავთ თითოეული კეთილსინდისიერი ჟურნალისტის პროფესიონალიზმს, ვიცავთ მუნიციპალიტეტის თითოეული თანამშრომლის შრომას, ვიცავთ მოქალაქეების განწყობას, დროს და ნერვებს. ელემენტარულად ვიცავთ სიმართლეს.

დღეს ვეხმიანები ბოლო პერიოდში მედიით გავრცელებულ ცრუ ბრალდებებს. მინდა, ყველამ კარგად იცოდეს, ეს არ არის რომელიმე ტელეკომპანიის წინააღმდეგ მიმართული კამპანია, თუმცა პირდაპირ ვიტყვი, ნამდვილად არის ტყუილის და ყალბი ინფორმაციის წინააღმდეგ“, – აღნიშნა კახა კალაძემ.

ავტორი
ქეთა გაბრიაძე

 

 

კომენტარები