2019 წლის 20-21 ივნისის მოვლენების წლისთავის აღნიშვნისადმი მიძღვნის საპროტესტო აქციაზე სიტყვით გამოვიდა საქართველოს მე-4 პრეზიდენტი. გიორგი მარგველაშვილის თქმით ხელისუფლება მიუღებელია, თუკი იგი საპროტესტოდ გამოსულ მოქალაქეებს ტყვიას ესვლის, ჰყავს პოლიტპატიმრები და არ ასრულებს საერთაშორისო პარტნიორებსადმი მიცემულ პირობას:
”ხელისუფლება, რომელიც პატრიოტული ლოზუნგებით გამოსულ მოქალაქეებს ტყვიას ესვრის, არ არის დემოკრატი. ხელისუფლება, რომელიც მერე, პატრიოტული ლოზუნგებით გამოსულ მოქალაქეებს, წყლის ჭავლით არბევს, არ არის დემოკრატიული. ხელისუფლება, რომელიც პოლიტპატიმრებს დაუშვებს თავის ქვეყანაში, არის ავტორიტარი.
ხელისუფლება, რომელიც საკუთარ ერს და საერთაშორისო პარტნიორებს მისცემს დანაპირებს და მოიტყუება, არის საერთაშორისო თაღლითი. ასეთი ხელისუფლება არ ეკადრება ჩვენ ერს და ჩვენს საზოგადოებას.
ჩვენ, საქართველოს მოქალაქეებმა, არაერთხელ ვაჩვენეთ, რომ თავისუფლების, ღირსების, ჩვენი სამშობლოს და, მათ შორის, სახელმწიფოს მშენებლობა, ჩვენთვის უმნიშვნელოვანესი მიზანია.
შესაბამისად, ასეთ ხელისუფლებას მიღებული აქვს ქართველი ხალხის ვერდიქტი. ასეთ ხელისუფლებას მიღებული აქვს პარტნიორების ვერდიქტი. ასეთი ხელისუფლება, მიუხედავად იმისა, რომ ისინი დღეს კაბინეტებში სხედან, უკვე წარსული ხელისუფლებაა საქართველოსთვის,” – განაცხადა გიორგი მარგველაშვილმა.
