“პოლიტიკური პლატფორმა ახალი საქართველოს” თავმჯდომარე დადებითად აფასებს საქართველოს მე-3 პრეზიდენტის, მიხეილ სააკაშვილის შეთავაზებას მაჟორიტარების შერჩევის წესისა და საერთო სიის ფორმირების თაობაზე. გიორგი ვაშაძე აღნიშნავს, რომ ის და მისი გუნდი იყო და არის ერთ-ერთი ინიციატორი ოპოზიციური ძალების კონსოლიდაციისა და გამარჯვების იდეის გარშემო ერთიანობის მომხრე:
“მე და “ახალი საქართველოს” გუნდი ვიყავით ერთ-ერთი ინიციატორები და ვრჩებით ოპოზიციური ძალების კონსოლიდაციისა და გამარჯვების იდეის გარშემო ერთიანობის მომხრე.
ვთვლით,ნებისმიერი იდეა და წინადადება, რომელიც ამ მიზანს ემსახურება მისასალმებელი და მისაღებია ჩვენთვის.
შესაბამისად, ძალიან საინტერესოა მიხეილ სააკაშვილის შეთავაზება, რომელიც ოპოზიციურ პარტიებს შორის უფრო მეტ კოორდინაციასა და არჩევნებზე საერთო ფრონტით გასვლას გულისხმობს.
ამასთან, კოორდინაციის პირველ ეტაპად მიგვაჩნია მაჟორიტარობის საერთო ოპოზიციურ კანდიდატებზე შეთანხმება.
ძალა ერთობაშია მეგობრებო და არა დაპირისპირებასა და ურთიერთწინააღმდეგობაში!” – აცხადებს გიორგი ვაშაძე.