ქუთაისში ინფიცირებულთა რაოდენობა გაიზარდა. ადგილობრივ ინფექციურ საავადმყოფოს Covid19-ით ინფიცირებული ორი პაციენტი დაემატა. ახალგაზრდა ცოლ-ქმარი, რომლებსაც ბაქოში მოგზაურობის ისტორია აქვთ, კლინიკაში წყალტუბოს საკარანტინე სივრციდან გადაიყვანეს.
კლინიკის მთავარი ექიმის თემურ ნადირაძის განცხადებით, მათი მდგომარეობა საშუალო სიმძიმისაა.
“წყალტუბოს საკარანტინე სივრციდან კიდევ ორი პაციენტი დაგვემატა, რომლებსაც მოგზაურობის ისტორია აქვთ ბაქოში. ახალგაზრდა ცოლ-ქმარის მდგომარეობა საშუალო სიმძიმისაა, შედარებით რთულია ქალის მდგომარეობა, რომელსაც თანმდევი პათოლოგიები აქვს“,- განაცხადა თემურ ნადირაძემ.
ამ დროისთვის, ქუთაისის ინფექციურ საავადმყოფოში კორონავირუსით ინფიცირებული 7 პაციენტი მკურნალობს, ორი კი, საეჭვო სიმპტომებით, ბოქსირებულ პალატებშია მოთავსებული. მათ ლაბორატორიული კვლევა უტარდებათ.
ლიკა დევდარიანი
სააგენტო “პარალელის”
რეგიონალური კორესპონდენტი