საქართველოში, 2026 წლის 24 ივლისს ელექტროსისტემაში მომხდარ მასშტაბურ ავარიასთან დაკავშირებით სემეკის მიერ შექმნილმა სპეციალურმა სამუშაო ჯგუფმა პირველადი დასკვნა წარადგინა.
კომისიის განცხადებით, ელექტროენერგიის მასობრივი გათიშვა გამოიწვია საქართველოს ენერგოსისტემის აზერბაიჯანის ქსელიდან მოულოდნელმა გამოყოფამ, რასაც მოჰყვა ძაბვის ვარდნა და კასკადური გათიშვები.
როგორც სემეკი განმარტავს, “საქართველოს სახელმწიფო ელექტროსისტემას” წინასწარ უნდა გადაეანგარიშებინა რელეური დაცვისა და ავტომატიკის სისტემები, რათა მინიმუმამდე დაეყვანა აზერბაიჯანის ქსელიდან ავტომატური გამოყოფის რისკი და რომ დისპეტჩერიზაციას უფრო სწრაფად და ეფექტურად უნდა ემოქმედა სისტემის სტაბილურობის შესანარჩუნებლად.
ინფორმაციისთვის: აღსანიშნავია, რომ ელექტროსისტემის მასშტაბური გათიშვა 25 ივლისსაც დაფიქსირდა, რის გამოც სემეკი კიდევ ერთ მოკვლევას აწარმოებს, ხოლო საქართველოს სახელმწიფო უსაფრთხოების სამსახურმა გამოძიება დაიწყო საბოტაჟის მუხლით.
