საქართველოს პრეზიდენტის სალომე ზურაბიშვილის ოფიციალურ ფეისბუქ გვერდზე განცხადება ვრცელდება, სადაც პანდემიის პერიოდში პრეზიდენტის სატელეფონო ხარჯების შესახებაა ინფორმაცია. განცხადებაში ადმინისტრაცია ასევე მადლობას უხდის „მთავარი არხს“ ამ საკითხით დაინტერესებისთვის:
„მთავარი არხი“ დაინტერესდა – რა რაოდენობის თანხა დახარჯა საქართველოს პრეზიდენტმა, პანდემიის პერიოდში, მსოფლიო ლიდერებთან სატელეფონო საუბრებისთვის.
პრეზიდენტის ადმინისტრაცია მადლობას უხდის ტელეკომპანიას ასეთი მნიშვნელოვანი კითხვისთვის და გაცნობებთ, რომ საქართველოს პრეზიდენტი, მარტი-მაისის პერიოდში, ესაუბრა 50 ქვეყნის ლიდერს. აქედან, 18 ქვეყნის პირველ პირს ინტერნეტის საშუალებით – ვიდეოზარით დაუკავშირდა,
32 ქვეყნის ლიდერს კი, ტელეფონით; 13 ქვეყნის მეთაურმა პირადად დაურეკა პრეზიდენტს მობულურზე; საქართველოს პრეზიდენტის მობილურიდან კი, 19 ზარი განხორციელდა.
მარტი-მაისის პერიოდში პრეზიდენტის მობილური ტელეფონის ხარჯმა 200 ლარი და 98 თეთრი შეადგინა“, – აღნიშნულია განცხადებაში.
ავტორი
თამთა ასლანიშვილი