“რადიკალური ოპოზიცია მიხვდა, რომ არც ვადამდელ და არც 2028 წლის არჩევნებზე წარმატების არავითარი შანსი არა აქვთ” – ზაალ ანჯაფარიძე

ანალიტიკოს ზაალ ანჯაფარიძის კონკრეტული ვარაუდები და მოლოდინები ოპოზიციასთან მიმართებით:

“რადიკალური ოპოზიცია, სადაც პარტიებს უკვე თამამად შეგვიძლია მივაწეროთ პარტიულ ფილიალებად გადაქცეული ენჯეოები, მიხვდა რომ არც ვადამდელ და არც 2028 წლის არჩევნებზე წარმატების არავითარი შანსი არა აქვთ. ამას პრინციპში ხვდება ყველა აქაც და გარეთაც.

ერთადერთი რაც რადიკალურ ოპოზიციას შეეძლო გაეკეთებინა, წინასწარ მოეხდინა მომავალი არჩევნების დელეგიტიმაცია. ამიტომაც გაჩნდა, ჩემი აზრით, მათი ძალისხმევას შედეგად PACE-ს რეზოლუციაში ჩანაწერი, რომ საქართველოში თავისუფალი და სამართლიანი არჩევნების წინაპირობები არ არსებობს. ანუ საქართველომ უნდა ამტკიცოს, რომ ასე არ არის.

ჩემი აზრით, ამ მორიგ პროვოკაციას სჭირდება დასაბუთებული პასუხი და ეს უნდა გააკეთონ პარლამენტმა და ცესკომ ერთობლივად. კერძოდ, საერთაშორისო პრაქტიკის საფუძველზე მომზადდეს დასკვნა, რომ PACE ცრუობს. შესაძლებელია და ჩემი აზრით რეკომენდირებულიც, რომ ამ პროცესში მიუკერძოებელი უცხოელი ექსპერტებიც ჩართონ“, – წერს სოციალურ ქსელში ზაალ ანჯაფარიძე.