„ახალი საქართველო“- ს თავმჯდომარე გიორგი ვაშაძე, “სტრატეგია აღმაშენებლის” გუნდთან და გაერთიანებული ოპოზიცია “ძალა ერთობაშიას” ქუთაისის ოფისის წარმომადგენლებთან ერთად, ქუთაისის ელექტრომობილების ქარხნის მშენებლობისათვის გადაცემულ ტერიტორიაზე მივიდა. მათ ხელისუფლებას ერთი წლის წინ დაანონსებული პროექტი შეახსენეს, რომლის მიხედვითაც ქუთაისში ელექტრომობილების წარმოება უნდა დაწყებულიყო:
„ერთი წლის წინ ამ ტერიტორიაზე უზარმაზარი კონცერტი ჩაატარეს.
ჩამოსული იყვნენენ პრემიერი ბახტაძე, კახი კალაძე, რომელიც გამოირჩეოდა როგორც ამ კონცერტის ვარსკვლავი და ეკონომიკის მინისტრი. მათ გვითხრეს, რომ უკვე ქუთაისში ელექტრომობილების ქარხნის მშენებლობა დაიწყო. გულრფელად გითხრათ, ისეთი ღონისძიება მოაწყვეს მეგონა მართლა გახსნეს ქარხანა. ახლა ამ ტერიტორიაზე ვართ და ვხედავთ, რომ აქაურობა ძროხებს აქვთ დაკავებული. ეს არის „ქართული ოცნების“ ფარსი და ტყუილების კორიანტელი. ასე საქართველოს ვერ ავაშენებთ და ეს ნგრევა უნდა შევაჩეროთ.
აქ ქარხანაც აშენდება, ეს ქალაქი საპარლამენტო დედაქალაქის ფუნქციასაც დაიბრუნებს და ქუთაისი დასავლეთ საქართველოს განვითარების ცენტრი იქნება. ეს ყველფერი მაშინ მოხდება, როდესაც ქოცხროვას ხელისუფლებას მოვაშორებთ,“- განაცხადა გიორგი ვაშაძემ.
შეგახსენებთ, 2019 წლის 6 აპრილს ექს-პრემიერმა მამუკა ბახტაძემ ქუთაისელებს ელექტრომობილების ქარხნის მშენებლობის დაწყება მიულოცა.
ქარხნის მშენებლობისთვის ეკონომიკის სამინისტრომ კომპანია „ბიგ სერვისს“ ქუთაისში, ავტოქარხნის აეროპორტის ყოფილ ტერიტორიაზე 100 ჰექტარი მიწის ნაკვეთი, სიმბოლურად 1 ლარად გადასცა.
ლიკა დევდარიანი
სააგენტო “პარალელის”
რეგიონალური კორესპონდენტი