“საპატრიარქოს დუმილი ამ შემთხვევაში განსაკუთრებით მძიმე მორალური გზავნილი იქნება” – რომან გოცირიძე

რუსეთის მხრიდან კიევის პეჩორის ლავრის დაბომბვის ფაქტთან დაკავშირებით საქართველოს საპატრიარქოს მიერ პოზიციის დაფიქსირების მნიშვნელობაზე აკეთებს მინიშნებას პარლამენტის ყოფილ დეპუტატი, რომან გოცირიძე:

“პირველი სერიოზული გამოცდა საქართველოს საპატრიარქოსთვის: დაგმობს თუ არა რუსეთის ბარბაროსული რეჟიმის მიერ მსოფლიო მნიშვნელობის მართლმადიდებლური ტაძრის – კიევის პეჩორის ლავრის დაბომბვას?

მარიონეტული „ოცნების“ ხელისუფლებისგან ამის მოლოდინი არავის აქვს, მაგრამ საპატრიარქოს დუმილი ამ შემთხვევაში განსაკუთრებით მძიმე მორალური გზავნილი იქნება“, – წერს რომან გოცირიძე სოციალურ ქსელში.