ანალიტიკოსი, პოლიტიკის ექსპერტი გია ჯაფარიძე მწვავე, მძიმე შეფასებებს აკეთებს პოლიციელებთან დაკავშირებით:
“ყველაფერი იწყება პოპულარული სიყალბიდან – რა პოლიციელი გმირია? როდის იყო პოლიციელი გმირი? იშვიათი გამონაკლისია წესიერი პოლიციელი.
საქართველოში მოქმედებს ბერიას შექმნილი პოლიციური სისტემა. საქართველოში “ქართული ოცნების” პირობებში პოლიციაში ძირითადად მიდის ხელმოცარული და ძალადობისკენ მიდრეკილი ხალხი, ვისაც სხვა არაფრის კეთების შანსი არ აქვს და უყვარს ძალადობა. ამიტომ არის ყველგან დემოკრატიულ დასავლეთში პოლიციაზე განსაკუთრებული სამოქალაქო კონტროლი. საქართველოში ამ მხრივ კიდევ უფრო უარესი მდგომარეობაა გამომდინარე ქვეყანაში არსებული ეკონომიკური და სულიერი სიდუხჭირიდან. “ქართული ოცნების” ხელში პოლიციელი გმირი კი არა, ჩვეულებრივი სადისტია. “ქართული ოცნების” მხრიდან ეს სადიზმი წახალისებულია. კი, ადამიანების წამება და არაჰუმანური მოპყრობა “ქართული ოცნების” წახალისებულია. ადამიანების ცემაში პრემიას მარტო დიქტატურაში იძლევიან.
მარტო პოლიციის შენობაში ხდება ადამიანების წამება? პოლიციის შენობის მიღმა “ქართული ოცნების” წახალისებული ჯალათები ადამიანურად იქცევიან? პოლიცია ნორმალურად ესაუბრება ხალხს? რამე ახალია იმაში, რომ პოლიციელი ადამიანებს ცემს? რუსთაველზე პოლიცია სამაგალითოდ იქცეოდა?
პოლიციელი მონის მოჯამაგირე ხდება, თუ “ქართულ ოცნებასთან” დაკავშირებული პირის წინ აღმოჩნდა, სხვა ადამიანებს ექცევა ბოლო სადისტივით. პატრული ნორმალურად გელაპარაკებათ? ყველა მათ სიტყვაში შეურაცხყოფა და დამცირების სურვილი არ იგრძნობა? არ ბლატაობს? არ კაჩაობს?
რამე კვეთა თუ გაქვთ პოლიციელთან, იმის ალბათობა ხომ ძალიან მაღალია, რომ უსამართლოდ მოგექცნენ, გაწამონ, დაგიჭირონ, დიდი ხნით ციხეში გაგიშვან? ასე არ არის?
როგორ არ არიან, მაგრამ ბოლოს როდის შეგხვდათ ნორმალური პოლიციელი? ნორმალურ და წესიერ პოლიციელს ქართული ოცნების პირობებში ეკრძალება ადამიანურად მოქცევა, რომ უნდოდეს, ვერ მოიქცევა როგორც მართლა სამართალდამცველი. უსამართლობას რომ ემსახურები, უფლება არ გაქვს სამართალი და წესრიგი დაიცვა. წესიერი პოლიციელობა დასჯადია “ქართული ოცნების” მმართველობაში“, – წერს გია ჯაფარიძე ფეისბუქის პირად გვერდზე.
