პარლამენტის ყოფილი დეპუტატის ხათუნა სამნიძის ემოციები:
“დიდხანს ვიდექი და ამ ლამაზ ბლოკნოტს ვუყურებდი ფიქრებში – რაის 2027 წლის ორგანაიზერი, ხვალ და ზეგ არ იცი რა ხდება! არ იყიდო!
კი, როცა გაურკვევლობაში ცხოვრებას ეჩვევი, ასეთი ფიქრები ხშირია. მაგრამ ისეთი ძლიერია ზოგჯერ (ყოველთვის ვერა) რწმენა, რომ ყველაფერსაც გადავლახავ და გამომივა, ადგები და გულებიან 2027 წლის ორგანაიზერსაც ტკბილად იყიდი🫠🥹 მივაღწევ 2027-საც და მეტსაც და ისეთ სუპერ გეგმებს ჩამოვწერ, “მკვდარსაც კი გაეცინება”!
ღმერთი ჩემსკენ, ისევ ვაგრძელებ მკურნალობას და ძალიან კი მიჭირს, მაგრამ ისევ თქვენი, ჩემი დაუღალავი მხარდამჭერების, დახმარება დამჭირდება… 🫂❤️❤️“, – წერს ხათუნა სამნიძე სოციალურ ქსელში.
ცნობისათვის: ხათუნა სამნიძემ, მძიმე დაავადების გამო, მკურნალობის მრავალთვიანი კურსი გაიარა, რამდენიმე ოპერაციით და გამოჯანმრთელების დიდი იმედებით…
