“გუშინ ვაკვირდებოდი ქალაქში როცა გადავაადგილდებოდი, თუ რამდენად იცვლება წესები და გამიხარდა, რომ ავტობუსებში წესები კარგად იყო დაცული, თუმცა არა მიკროავტობუსებში.
ამასთან დღეს, სანამ სამსახურში მოვიდოდი, მომიწია ერთ დიდ საჯარო დაწესებულებაში მისვლა და გამიხარდა, რომ ძალიან მოწესრიგებული იყო ადამიანთა მიღების, რიგში დგომის და დამცავი საშუალების ატრიბუტები.
მოვუწოდებ საქართველოს საზოგადოებას, პანიკის არავითარი საფუძველი არ არსებობს. ჩვენთან, საქართველოში, ამ ეტაპზე, ეპიდსიტუაცია არის სრულად მართვადი.
გვექნება ახალი შემთხვევები – 3, 5, 10, 15 არ არის ეს დიდი პრობლემა და ჯანდაცვის სისტემისთვის მართვადია. ყველა ნახავს, რომ ძალიან ადრეულ ეტაპზე გამოჯანმრთელდება. ამიტომ, ძალაში რჩება ერთადერთი პირობა, რომ ჩვენ უნდა ვისწავლოთ თანაცხოვრება კოვიდთან ერთად, მოგვიწევს ეს, რადგან ის დღეს, ხვალ ზეგ არ გაქრება, არც ამ წლის ბოლომდე გაქრება. ამიტომ ჩვენ უბდა დავიცვათ ყველა აუცილებელი წესი,”- აღნიშნა ამირან გამყრელიძემ.
