გორში, სამართალდამცავების მხრიდან აპოლონ (პაპუნა) ლოცულაშვილზე მომხდარი ძალადობიდან რამდენიმე დღეში საზოგადოებას კონკრეტული პოზიციით მიმართა დაზარალებულმა, რასაც მწვავე შეფასებებით ეხმაურება სამოქალაქო აქტივისტი, ანალიტიკოსი დავით ნებიერიძე:
“გორში ნაწამები ლოცულაშვილის განცხადება თუ წაიკითხეთ ბევრს გული ჩაგწყდებოდათ ამ განცხადების შინაარსისგან. სადაც თავიდან და ბოლომდე ცალსახად ჩანს მასზე სისტემის ზემოქმედების კვალი. თუმცა, თავადაც არ აღმოჩნდა დიდად შემკული კაცური ღირსებებით და ყველას აფრთხილებს, რომ ეს რაც მოხდა ჩემი საქმეა და ნურავინ ეცდება საკუთარი ინტერესებისთვის გამოყენებასო.
არა ჯეელო, ეგ მხოლოდ შენი საქმე არ არის. ეს ყველას საქმეა, თითოეული მოქალაქის. ეს არ არის კერძო შემთხვევა. ეს არის სისტემური დანაშაული და საზოგადოებამ მწვავე რეაქცია თუ არ მისცა შენ არ და ვერ იქნები ბოლო ვის წინააღმდეგაც ასეთი საზარელი დანაშაული ჩაიდინა სისტემამ. ამიტომ გეყოს ვაჟკაცობა და მარტო საკუთარ თავზე ნუ ფიქრობ“, – წერს დავით ნებიერიძე სოციალურ ქსელში.
