“ოპოზიციის ალიანსის” საზაფხულო კამპანიის სლოგანთან – “საქართველო იმსახურებს უკეთესს” დაკავშირებით განმარტებებს აკეთებს პარტია “ფედერალისტების” ერთ-ერთი ლიდერი, თამარ ჩერგოლეიშვილი:
“საზაფხულო კამპანიის სლოგანი რომ ბაბლის მითქმა-მოთქმის საგანია ცალსახად კარგია, უკეთ პენეტრირდება.
ახლა რატომ მომწონს:
უკეთესს რომ იმსახურებს, ეს რეჟიმის თავგადაკლულმა მომხრემაც იცის – მასთანაც კი რეზონირებს.
საკუთარი წარმოდგენების იქით ვინც ვერ ხედავს, ის გავლენას ვერ გაიფართოვებს.
ფედერალისტების ამოცანა გავლენის, და შესაბამისად, წინააღმდეგობის გაფართოება. ამიტომ ვართ ალიანსში სხვა ძალებთან.
ამიტომ ავირჩიეთ ისეთი სლოგანი, რომელიც არსებულ გამყოფ ხაზებს გასცდება.
დიახ, ჩვენ დღეს შეიძლება ვერ ვთანხმდებოდეთ იმ ჭეშმარიტებაზე, რომ ივანიშვილი
სახელმწიფოებრიობას გვაკარგინებს.
მაგრამ შევთანხმდებით, რომ იმაზე უკეთესს იმსახურებ, რასაც იღებ“, – წერს თამარ ჩერგოლეიშვილი სოციალურ ქსელში.
