“ქართველების წინააღმდეგ მიმდინარეობს გენოციდი. მკვლელობების ის რაოდენობა, რომელიც ხდება ნარკოტიკებთან დაკავშირებით, სხვა არაფერია” – ანა დოლიძე

ნარკომანიის პრობლემაზე ამახვილებს ყურადღებას პარტია “ხალხისთვის” თავმჯდომარე, ანა დოლიძე:

“ქართველების წინააღმდეგ მიმდინარეობს გენოციდი. მკვლელობების ის რაოდენობა, რომელიც ხდება ნარკოტიკებთან დაკავშირებით, სხვა არაფერია.

მხოლოდ მიამიტებს ჰგონიათ 90-იან წლებში დაყრილი ნარკოტიკი შემთხვევითობა. ეს იყო რუსული ჰიბრიდული ომის ნაწილი: იარაღისა და ნარკოტიკების დარიგებით ქართველების განადგურება. ეს გეგმა ნაწილობრივ მიღწეულ იქნა კიდევაც ბარიგების ხელით: თაობები წაიღო ნარკოტიკმა.

ახლაც იგივე ხდება. მთავრობის არაფრისმთქმელი საერთაშორისო განცხადებების მიღმა არის ჩუმი გენოციდი ჩვენი ბავშვების წინააღმდეგ. ცოტა ხნის წინ დაღუპული ახალგაზრდების საკითხიც ამას უკავშირდება. მთავრობა რაღაც სისულელეებს ბჟუტურებს ბრიუსელზე და ამ დროს ელემენტარულ კითხვას ვერ სცემს პასუხს: რა ნივთიერება შემოდის საქართველოში და რაც მთავარია, როგორ შემოდის?

ნულოვანი ტოლერანტობა ბარიგებს და მათ მაღალჩინოსან მფარველებს“, – წერს ანა დოლიძე სოციალურ ქსელში.