“აქცია გაიმართება, როგორც კონსტიტუცია გვეუბნება 🙂 ხოლო ანტიკონსტიტუციური ხელისუფლების ანტიკონსტიტუციური პასუხები განიხილება მოგვიანებით და სამართლიანი სასამართლოს მიერ” – ნიკა გვარამია

26 მაისს საპროტესტო მსვლელობისა და აქციის გამართვასთან დაკავშირებით “ოპოზიციის ალიანსის” მიერ თბილისის მერიასა და შსს-ში შეტანილ განაცხადზე მიღებულ პასუხებთან დაკავშირებით კონკრეტულ შეფასებებს და მინიშნებებს აკეთებს ნიკა გვარამია:

“წუხელ იმეილით მამცნეს პასუხი ჩემს განცხადებაზე 26 მაისის აქციის თაობაზე. მოკლე შინაარსი ასეთია:
არანაირი მოწყობილობები პარლამენტთან, არანაირი მოწყობილობები ქუჩის სავალ ნაწილზე, არანაირი მოწყობილობები ტრანსპორტის სავალ ნაწილზე სხვა ლოკაციებზე.

ანუ, არაფერი და არსად არ შეიძლებაო🙂
მიზეზი: სატრანსპორტო ნაკადების გადაადგილების შეფერხების თავიდან აცილება🙂

მერიის შემდეგ, შსს-მაც უარი განაცხადა 🙂 ამათ საერთოდ საოცრება აღმოხდათ: გვარამია თავად რატომ არ მოვიდაო :)) კიდევ სხვა დებილობებიც მრავლად, მაგრამ მთავარი რაცაა, კი ვიცით: ამ ქვეყანაში პროტესტი აკრძალულია, გადაჭარბების გარეშე, აკრძალულია.

“სახლში რაც გინდა, ის აკეთეთ” არ გამოვა, ქოცებო. აქცია გაიმართება, როგორც კონსტიტუცია გვეუბნება 🙂 ხოლო ანტიკონსტიტუციური ხელისუფლების ანტიკონსტიტუციური პასუხები განიხილება მოგვიანებით და სამართლიანი სასამართლოს მიერ“, – წერს ნიკა გვარამია სოციალურ ქსელში.