გავრცელებული ინფორმაციით ევროკავშირმა 3 ტელევიზიას – “იმედს”, “რუსთავი 2”-ს და “პოსტვ”-ს 1 წლით შეუჩერა აკრედიტაცია. ბოლო თვეების გაბმავლობაში დაწესდა ასევე სხვადასხვა სახის სანქცია პოლიტიკოსებისა თუ მედიის მიმართ. აღნიშნულთან დაკავშირებით მწვავე შეფასებებს აკეთებს ანალიტიკოსი ზაალ ანჯაფარიძე:
“რაც უფრო მეტ უაზრო და დესტრუქციულ გადაწყვეტილებებს იღებენ ევროსტრუქტურები საქართველოს მიმართ, რომლებიც შემდეგ ასეთივე ქმედებებში ითარგმნება, მით უფრო მეტად ურთულებენ საქართველოს ნებისმიერ ხელისუფლებას ამოცანას, დაარწმუნოს საქართველოს მოსახლეობა, რომ ევროკავშირი ქვეყნისთვის სიკეთეა.
შეუძლებელია სიკეთედ შერაცხო ევროკავშირის სურვილი, სანქციებით მოკლას საქართველოში მედია და პოლიტიკური მრავალფეროვნება, ანუ დემოკრატიის დედაბოძი.
შეუძლებელია სიკეთედ შერაცხო ორმაგი სტანდარტების პრაქტიკა საქართველოსთან მიმართებაში და კიდევ ბევრი ისეთი რამ, რასაც ევროკავშირი საქართველოსთან მიმართებაში აკეთებს. თან დიალოგიც არ სურთ, საჩოთირო სიტუაციიდან გამოსასვლელად.
აი ეხლაა ყველაზე საუკეთესო დრო პატიოსანი სოციოლოგიური გამოკითხვის ჩასატარებლად!” – წერს სოციალურ ქსელში ზაალ ანჯაფარიძე.
