“ბატონ ირაკლი ხუსკივაძეს მინდა მივმართო – მაინტერესებს, მაშინ მაინც თუ შეგრცხვათ, როცა განაჩენის გამოცხადებისას ჩემს ატირებულ არასრულწლოვან დებს თაკოს და ტასოს უყურებდით, რომლებსაც მამა მეშვიდე თვეა არ უნახავთ. დარწმუნებული ვარ ყოველ ხუთშაბათს პროცესებზე თვალში გხვდებოდათ ისინი და სწორედ მათ ეუბნებოდით რომ მამას 7 წელი ციხეში უშვებდით 0 მტკიცებულებით.
ბუნებაში არ არსებობს მტკიცებულება რომ მან რაიმე კანონსაწინაღმდეგო ქმედება ჩაიდინა და ეს თქვენ ჩემზე კარგად იცით.
მე მამაჩემი თვალებში ამაყად მიყურებს იმიტომ, რომ სიკეთის და ამ ქვეყნის სიყვარულის გარდა ცხოვრებაში არაფერი უკეთებია.
იმედი მაქვს სარკეში როცა უყურებთ თქვენს თავს მაშინ მაინც გრცხვენიათ თქვენი გადაწყვეტილების რომელიც გუშინ 10 ადამიანს გამოუტანეთ. თუმცა დარწმუნებული ვარ და ვიცი ვითომ გადაწყვეტილების მისაღებად გასული, უკვე სხვისი დაწერილი გადაწყვეტილების გასახმოვანებლად ემზადებოდით“, – ნინი მანჯგალაძე პაატა მანჯგალაძის შვილი.
ინფორმაციას “სტრატეგია აღმაშენებლის” მედიასთან და საზოგადოებასთან ურთიერთობის სამსახური ავრცელებს
