სომხეთში იმართება ევროპის პოლიტიკური თანამეგობრობის (EPC) საკმაოდ წარმომადგებლობითი მე-8 სამიტი. ამ ფაქტთან დაკავშირებით და გეოპოლიტიკური თვალსაზრისით, საქართველოსთან მიმართებით, კონკრეტულ პარალელს ავლებს “ოპოზიციის ალიანსის” და “კოალიცია ცვლილებებისთვის” ერთ-ერთი ლიდერი, ნიკა გვარამია და (არა)რიტორიკული შეკითხვებით მიმართავს საზოგადოებას:
“სომხეთში ომი არ დაწყებულა, მიუხედავად იმისა, რომ:
1 თვის წინ ნიკოლ ფაშინიანი ჩასული იყო რუსეთში და პუტინთან პირდაპირ ეთერში ქონდა შეხვედრა. ისეთები უთხრა, მე არ მახსენდება ვინმეს ასე ელაპარაკოს პუტინთან საჯაროდ.
გუშინ სომხეთში ისინი შეიკრიბნენ, ვინც პუტინს პირად მტრებად მიაჩნია, უკრაინის განსაკუთრებული მხარდაჭერის გამო. ევროკავშირის ლიდერებთან ერთად, მთავარი სტუმარი ზელენსკია.
შეგახსენებთ, სომხეთში (გიუმრიში) რუსეთის უმსხვილესი სამხედრო ბაზაა შემადგენლობაში 5000მდე რუსი სამხედროს, S-300 საზენიტო-სარაკეტო სისტემები, MiG-29 გამანადგურებლები და ჯავშანტექნიკით.
როდემდე უნდა ვიყოთ ომის შიშის მძევლები?! ქოცების მიერ გაღვივებული წარმოსახვით გამოწვეული შიშის, თან რომ გვტანჯავს, თან რომ გვასულელებს, თან რეალობას გვწყვეტს, სანამ ამ რეალობას ქოცები ალპობენ?” – წერს ნიკა გვარამია სოციალურ ქსელში.
