პოლიტოლოგმა გელა ვასაძემ სააგენტო „პარალელთან“ საუბრისას აღნიშნა, რომ ჩაატარა დატესტვა სოციალურ ჯგუფებთან მიმართებაში და საზოგადოების უმეტემა ნაწილმა პრემიერ-მინისტრობის რეალურ კანდიდატურად ოპოზიციონერი ლიდერი გიორგი ვაშაძე დაასახელა. ექსპერტის განმარტებით გიორგი ვაშაძე არის ამ თანამდებობისთვის შესაფერისი, რადგან აქვს შესაბამისი გამოცდილება და ეს საკითხი აუცილებლად უნდა გახდეს მსჯელობის საგანი.
„საკმაოდ დიდ აუდიტორიასთან მაქვს ფეისბუქზე წვდომა და ასევე სხვადასხვა სოციალურ ჯგუფებთან მიმართებაში დავტესტე, თუ რას ფიქრობენ მომავალ პრემიერ-მინისტრობის კანდიდატურასთან დაკავშირებით. უმეტესმა ნაწილმა პრემიერ-მინისტრობის რეალურ კანდიდატად გიორგი ვაშაძე დაასახელა.
რატომ უნდა იყოს აუცილებლად პრემიერ-მინისტრობის კანდიდატი ოპოზიციიდან? – რადგან ჩვენთან ხელისუფლება არის პერსონიფიცირებული და აქედან გამომდინარე, ვფიქრობ, საინტერესო ინიციატივა და საინტერესო აზრი გააჟღერა ქალბატონმა თაკო ჩარკვიანმა და ეს აუცილებლად უნდა გახდეს მსჯელობის საგანი.
გიორგი ვაშაძე, როგორც ახალგაზრდა ტექნოკრატი და ახალგაზრდა თაობის პოლიტიკოსი, ოპოზიციის მხრიდან პრემიერ-მინისტრობის იდეალური კანდიდატია.
სხვა კანდიდატები, რომლებსაც ასახელებენ მაგალითად დავით ბაქრაძე, დავით უსუფაშვილი, მე პირადად ვხედავ უფრო სპიკერის თანამდებობაზე, ვიდრე პრემიერის.
პრემიერ-მინისტრი არის პოლიტიკურ/ტექნიკური, მენეჯერის თანამდებობა, აქედან გამომდინარე გიორგი ვაშაძეს აქვს შესაბამისი გამოცდილება, რადგან პრემიერ-მინისტრობის კანდიდატი უნდა იყოს გამოცდილი, ინოვაციური, სიტუაციების მართვა უნდა შეეძლოს და ამ კრიტერიუმებს სწორედ გიორგი ვაშაძე აკმაყოფილებს,“ – აღნიშნავს გელა ვასაძე.
ავტორი
თამთა ასლანიშვილი