ოპოზიციონერ პოლიტიკოსმა, წლების განმავლობაში სოციალურად დაუცველების (და არა მარტო) ქომაგმა, თეონა ჭალიძემ საზოგადოებას 23 აპრილს თავისი საქმიანობის 1 წლის ანგარიში წარუდგინა. პრეზენტაციაზე დეტალურად იყო განხილული მთელი წლის განმავლობაში განხორციელებული აქტივობები. იყო ემოციური შეფასებები, გაიხსენეს კონკრეტული ფაქტები, პოლიტიკოსის ჩართულობა სხვადასხვა პროექტებში, ღონისძიებებში, საპროტესტო მოძრაობებში:
“🤝ემოციური შეხვედრა იყო, ანგარიშვალდებულების და ურთიერთმხარდაჭერის ნამდვილი თვალსაჩინოება.
🤝გულშემატკივრებს წარვუდგინე 1 წლის საქმიანობის ანგარიში და ვესაუბრე გეგმებზე, რომელიც დაფუძნებულია ზრუნვაზე, პასუხისმგებლობაზე და ანგარიშვალდებულებაზე.
🤝 ,,ერთმანეთს ხელი ჩამოვართვათ“, ერთად ვიზრუნოთ ხალხზე და ქვეყანაზე. პროპაგანდასთან ბრძოლით, თანამოქალაქეებთან პირისპირ კომუნიკაციით და გულწრფელობით შევძლებთ სასიკეთო ცვლილებების მიღწევას. ნდობას სჭირდება მოპოვება და გაფრთხილება. სინდისის პატიმრების მშობლების გვერდით ბრძოლა დიდი პატივი და პასუხისმგებლობაა.
❤️გულითადი მადლობა ყველას ვინც მოახერხა მოსვლა და მათაც ვინც ფიზიკურად ვერ მოვიდა, მაგრამ მეც და საერთო საქმესაც გვგულშემატკივრობს.
#ხალხისსამსახურში ყველას შეუძლია იყოს. ყველა დღე და ყველა შესაძლებლობა უნდა გამოვიყენოთ რომ თითო ნაბიჯით მივუახლოვდეთ რეჟიმის ტყვეების განთავისუფლებას და ქვეყანაში დემოკრატიული პროცესის აღდგენას“, – დაწერა დღის ბოლოს თეონა ჭალიძემ სოციალურ ქსელში.
