ცოტნე ივანიშვილის მიერ, “ქართული ოცნების” ახალგაზრდული ორგანიზაციის ერთ-ერთ ღონისძიებაზე სიტყვით გამოსვლისას, კონკრეტული გზანილებით გაკეთებულ აქცენტებზე, განსაკუთრებით პოზიტიური შეფასებებით ეხმიანება მმართველი პარტიის ერთ-ერთი ლიდერი, დიმიტრი (დიტო) სამხარაძე:
“ქართველი მაგარი ახალგაზრდა კაცი გამოვიდა და სიმართლე თქვა! დიახ, ის ჭეშმარიტება, რომელიც აშინებს ჩვენი ქვეყნის შიდა და გარე მტრებს! აშინებთ ქართველების გაერთიანება, ერთად დგომა და მითუმეტეს, ახალგაზრდებისთვის სიმართლის გაზიარება!
ცოტნემ ზუსტად ახსნა თუ რატომ უნდა შედგეს ახალგაზრდებში ჯანსაღი დისკუსია, მომავალი თაობისთვის მნიშვნელოვანი! დიახ, საქართველოს სიყვარული უნდა იყოს საფუძველი ამ დებატების და რა არის აქ ნამდვილი პატრიოტისთვის მიუღებელი? არაფერი! რა თქმა უნდა მყრალ რადიკალურ ოპოზიციას არ მოეწონებოდა ცოტნეს სიტყვები. მაგათ ხომ დაზომბებული, ახალგაზრდები ურჩევნიათ, რომლებსაც აქციებზე ისე მიიყვანენ, რომ საერთოდ არ ეცოდინებათ რას, რატომ და რისთვის აპროტესტებენ!
დღეს, მარტო ერთმა ქართველმა ახალგაზრდამ კიდევ ერთხელ აჩვენა თქვენი ნამდვილი სახე მთელ საქართველოს! მისმა სიტყვებმა შეგაშინათ, გაგამწარათ, იცით როგორი საფრთხის შემცველია თქვენთვის ახალგაზრდების გაერთიანება, საქართველოს სიყვარულით! სწორი მომავლისთვის, ახალი თაობებისთვის ჭეშმარიტების ახსნით!
გაიხარე ცოტნე. ვამაყობთ შენით სამშობლოს ღირსეული ყველა პატრიოტი! ბარე ორი გამოცდილი პოლიტიკოსი ვერ გაბედავდა და გააკეთებდა იმას, რაც შენ დღეს შეძელი4️⃣1️⃣✊🏻🇬🇪“, – წერს სოციალურ ქსელში დიმიტრი (დიტო) სამხარაძე.
