“გამოდით, შეხვდით, მონახეთ გამოსავალი! ბავშვებს მიეცით წამალი!” – თეონა ჭალიძე მმართველი გუნდის ქალ დეპუტატებს მიმართავს

ოპოზიციონერი პოლიტიკოსი თეონა ჭალიძე, დიუშენით დაავადებული ბავშვების დედების უმძიმეს მდგომარეობაზე ამახვილებს ყურადღებას და ემოციური პოზიციით მიმართავს მმართველი გუნდის დეპუტატ ქალბატონებს:

,,თეა წულუკიანს,

ნინო წილოსანს,

გენრიეტა წიწავას,

ირმა ზავრადაშვილს,

ეკა სეფაშვილს,

მარიამ ლაშხს,

მაია ბითაძეს,

ლიკა შარტავას,

ეკა ჭიჭინაძეს,

სალომე ჯინჯოლავას,

რამინა ბერაძეს —

ქალებო, დედებო, ნუთუ არ გესმით დიუშენით დაავადებული ბავშვების დედების განწირული კივილი? ნუთუ გული არ გიჩქარდებათ, ამ დედების ცრემლებს რომ ხედავთ? წამალს ითხოვენ შვილების სიცოცხლისთვის, შვილების გადასარჩენად. რატომ ხმას არ იღებთ? პარტიულ ჩატებში მაინც მიიწერეთ…

თქვენი პრემიერი შეხვედრაზე უარს ამბობს, კანცელარიასთან მისულ ეტლში მჯდომ ბავშვებს პოლიციელებით კედელი აღუმართეს და მოქალაქეთა მისაღებში არ შეუშვეს. ცას წვდება ამ ბავშვების მშობლების ხმა, და თქვენ რით ვერ გაიგეთ?!

გამოდით, შეხვდით, მონახეთ გამოსავალი! ბავშვებს მიეცით წამალი!“- მიმართავს თეონა ჭალიძე.