რუსეთთან მიმართებაში, მმართველი გუნდის მხრიდან მძიმე, ქვეყნისთვის საზიანო გადაწყვეტილებების მოლოდინი აქვს ტელეკომპანია “კავკასიას” გენერალურ დირექტორს, ნინო ჯანგირაშვილს:
“ეს ფუნქცია განუსაზღვრა ივანიშვილმა საქართველოს – რუსეთის სტრატეგიული ინტერესების მომსახურის როლი. აფხაზეთის გავლით რკინიგზის აღდგენა, და ფაქტიურად აფხაზეთის დამოუკიდებლობის აღიარება არის ნაბიჯი, რომლისთვისაც დიდი ხანია ემზადებიან ქოცები და ჯერ ღიად ვერ ბედავენ თქმას. უბრალოდ, რუსები ჩაუშვებენ ხოლმე პერიოდულად, რომ ამაზე მუშაობენ.
და უნდათ, როცა ამას ღიად გამოაცხადებენ, იმ დროისთვის არავინ აღარ დარჩეს გამპროტესტებელი, ყველა დაშინებული და გაქცეული უნდა იყოს, პროტესტის ყველა კერა განადგურებული. თვითონვე მშვენივრად იციან სამშობლოს ღალატის რა მასშტაბია აფხაზეთის რკინიგზის გახსნა. უბრალოდ რუსებს უარს ვერ ეტყვიან“, – წერს ნინო ჯანგირაშვილი სოციალურ ქსელში.
ინფორმაციისთვის – რუსეთის ვიცე-პრემიერის განცხადება:
“მიმდინარეობს მუშაობა კავკასიაში ყველა დარღვეული გზის განბლოკვაზე, მათ შორის, განიხილება რუსეთის ფედერაციასა და საქართველოს შორის სარკინიგზო მიმოსვლის აღდგენის შესაძლებლობა, აფხაზეთის ტერიტორიის გავლით“, – განაცხადა ალექსეი ოვერჩუკმა.
